काठमाडौं– नेपाली कांग्रेसले पार्टीको भूमि व्यवस्था तथा भूमिहीन, अव्यवस्थित बसोबास समन्वय विभाग विस्तार गरेको छ । 

सभापति शेरबहादुर देउवाले केन्द्रीय सदस्य नृपबहादुर वड प्रमुख रहेको विभागमा शनिबार १० जना सदस्यहरू मनोनीत गरेका हुन् ।  

कांग्रेसको विधान, २०१७ (संशोधन सहित) को धारा २५ (९) बमोजिम विभिन्न जिल्ला १० जनालाई विभागको सदस्यमा मनोनयन गरिएको मुख्य सचिव कृष्णप्रसाद पौडेलले जानकारी दिए । 

विभागमा काठमाडौंका राजकुमार पाण्डे र श्यामकृष्ण महर्जन, जाजरकोटमा ज्ञानबहादुर शाही, डडेल्धुराका देवकीदेवी सिंह, भक्तपुरका कल्पना श्रेष्ठ, रुकुम पूर्वका सरिता बि.सी. र मोरङका विजयजंग बस्नेतलाई सदस्यमा मनोनीत गरिएको उनले बताए । 

यस्तै नवरपरासीका प्रेमबहादुर विक, गोरखाका सञ्जीव पुडासैनी र रौतहटका सपुतबहादुर कार्कीलाई पनि केन्द्रीय सदस्य वड नेतृत्वको विभागमा सदस्य बनाइएको मुख्य सचिव पौडेलले बताए ।