केप क्यानभेरल – नासाका फसेका दुई अन्तरिक्ष यात्रीले अन्तर्राष्ट्रिय अन्तरिक्ष स्टेशनमा प्रवेश गरेको लगभग आठ महिनापछि बाहिर निस्किएर बिहीबार एकसाथ पहिलो पटक अन्तरिक्ष भ्रमण (स्पेस वाक) गरेका छन् ।

कमान्डर सुनी विलियम्स र बुच विलमोर मर्मत कार्य गर्न र पृथ्वीबाट प्रक्षेपण भएर भेन्टहरूबाट बाहिर निस्किएका कुनै सूक्ष्मजीवहरू अझै जीवित छन् कि भनेर स्टेशनको बाहिरी भाग सफा गर्न बाहिर निस्किएका हुन् ।

“अब हामी जान्छौँ”, विलमोरले स्पेनबाट २६० माइल (४२० किलोमिटर) माथि निस्किँदा भने ।

गत जुनमा अन्तरिक्ष स्टेसनमा आइपुगेपछि यो जोडी एक हप्ता मात्रै बस्ने अपेक्षा गरिएको थियो । तर उनीहरूको नयाँ सवारी, बोइङको स्टारलाइनर क्याप्सुल, यति धेरै समस्यामा प¥यो कि नासाले त्यसलाई खाली फर्काउने निर्णय ग¥यो ।

यसले दुवै परीक्षण पाइलट तथा दुवै सेवानिवृत्त नौसेनाका कप्तानलाई स्पेसएक्सले उनीहरूलाई घर फर्काउन नसकेसम्म कक्षमा छाड्यो । उनीहरूको प्रतिस्थापनहरूको प्रक्षेपणमा स्पेसएक्सको ढिलाइका कारण उनीहरूको मिसन १० महिनासम्म लम्बिने भएकाले त्यो मार्चको अन्त्य वा अप्रिलको सुरुसम्म हुनेछैन ।

विलियम्सले दुई हप्ताअघि नासाका अर्का अन्तरिक्ष यात्रीसँग स्पेस वाक गरेका थिए । यो यात्रामा विलमोरको पहिलो पटक बाहिर निस्कने अवसर थियो । दुवैले अघिल्ला अन्तरिक्ष स्टेशन बसाइहरूमा धेरै अन्तरिक्ष भ्रमणहरू गरेका छन् ।