काठमाडौं– काठमाडौंमा जारी सभापति कप फुटबल प्रतियोगिताको ट्रफी अनावरण गरिएको छ । आयोजक नेपाली कांग्रेस लोकतान्त्रिक खेलकुद संघ महाधिवेशन निर्देशन समितिले बुधबार सहिद गेटमा ट्रफी अनावरण गरेको हो ।

सहिद दिवसको अवसर पारेर आयोजित ट्रफी अनावरण कार्यक्रममा विभिन्न खेलकुद र राजनीतिक क्षेत्रमा आबद्ध व्यक्तिहरूको उपस्थिति रहेको थियो । आयोजक निर्देशन समितिका संयोजकसमेत रहेका कांग्रेस नेता मोहनबहादुर बस्नेतले ट्रफी अनावरण गरेका थिए ।

माघ १० गतेदेखि सुरु भएको सभापति कप फुटबल प्रतियोगिता अन्तिम चरणमा पुगेको छ । प्रतियोगिताको फाइनल खेलमा संकटा क्लब र आयोजक लोकतान्त्रिक खेलकुद संघ बागमती प्रदेश (बागमती) आमनेसामने हुने छन् ।