एजेन्सी- सन् २०२० मा आयोजना हुने युरो कप छनोटमा इंग्ल्याण्डले तेस्रो जित निकालेको छ ।

शनिबार राति भएको खेलमा इंग्ल्याण्डले बुल्गेरियालाई ४–० गोल अन्तरले हराउँदै तेस्रो जित निकालेको हो ।

इंग्ल्याण्डको जितमा कप्तान ह्यारी केनले ह्याट्रिक गरे । यस्तै रहिम स्ट्रर्लिङले एक गोल गरे । घरेलु मैदान वेम्बली स्टेडियममा पहिलो हाफमा एक गोल गरेको इंग्ल्याण्डले दोस्रो हाफमा थप तीन गोल गरेको हो ।

खेलको २४ औं मिनेटमा केनले गोल गर्दै इंग्ल्याण्डलाई सुरुवाती अग्रता दिलाएका थिए । ४९ औं मिनेटमा पेनाल्टीमा केनले व्यक्तिगत दोस्रो गोल गर्दै इंग्ल्याण्डलाई २–० को अग्रता दिलाए । ५५ औं मिनेटमा स्ट्रर्लिङले गोल गर्दै इंग्ल्याण्डलाई ३–० को अग्रता दिलाएका थिए ।

खेलको ७३ औं मिनेटमा केनले पेनाल्टीमार्फत थप एक गोल गर्दै ह्याट्रिक पुरा गरे । इंग्ल्याण्ड ४–० ले विजयी भयो ।

जितसँगै समूह ‘ए’ को इंग्ल्याण्डले ३ खेलबाट ९ अंक जोडेको छ । इंग्ल्याण्ड तालिकाको शीर्ष स्थानमा छ ।