काठमाडौं – आगामी जुन/जुलाईमा नेपाली कलाकारहरूले क्यान्डामा प्रस्तुती दिने भएका छन् ।

‘अब हाँस्छ अनि नाच्छ क्यानडा’ नामक कार्यक्रममा कमेडियन सुमन कार्की, कैलाश कार्की, भरतमणि पौडेलले हाँस्यव्यङ्ग्य र मोडल करिश्मा ढकालले नृत्य प्रस्तुती दिने तय भएको हो ।

आयोजक संस्था ‘आई र यू इन्टरटेनमेन्ट’ र ‘आगन इभेन्ट्स’ले कार्यक्रमको तालिका चाँडै घोषणा गर्ने जनाएका छन् ।

आगन इभेन्ट्सका जीआर भण्डारीका अनुसार क्यानडा टोरोन्टो, लन्डन, ओटावा, क्यालगरी र भ्यानकुभर लगायतका शहरमा कार्यक्रम हुनेछ ।

विदेशमा रहेका नेपाली दर्शकको रोजाइअनुसारका कलाकारलाई क्यानडा लैजान लागेको भण्डारीको दाबी छ ।

क्यानडामा पहिलोपटक प्रस्तुती दिने निश्चित भएपछि विशेष तयारी गरिरहेको कमेडियन सुमन कार्कीले सुनाए ।

उनले भने, ‘हामीले फरक रूपमा आफ्नो तयारी गरिरहेका छौं । दर्शकको समयको भरपुर सदुपयोग हुने किसिमको प्रस्तुती दिनेछौं ।’