काठमाडौं– हमास र इजरायलबिच भएको युद्धविराम अनुसार सुरुवातमा ३ इजरायली महिला बन्दी रिहा हुने भएका छन् ।

हमासका अधिकारी बसिम नसिमले दिएको जानकारी अनुसार १९ जनवरीदेखि युद्धविरामका प्रक्रिया सुरु हुने छ । 

४२ दिनमा सबै काम सकिने तय भएको छ । पहिलो चरणमा गाजामा रहेको ३३ बन्दीलाई हमासले छाड्ने अनुमान गरिएको छ । 

पहिलो दिन ३ तथा त्यसको एक साता पछि अर्को ४ जना छाड्ने तय भएको छ । सुरुवातमा छाडिनेमा महिला प्राथमिकतामा परेका छन् । 

सहमति अनुसार ६ सातामा हमासले सबै बन्दी छाड्ने छ । इजरायलले पनि आफूले बन्दी बनाएकाहरूलाई छाड्ने छ । 

दोस्रो चरणमा सम्पूर्ण इजरायली गाजाबाट हट्ने, सबै बन्दी रिहा गर्ने तथा इजरायलले पनि जेलमा रहेका प्यालेस्टाइनीहरुलाई सबै छाडी सक्ने सहमति छ । तेस्रो चरणमा मारिनेहरूको शव पनि हस्तान्तरण हुने छ । 

यसरी शव हस्तान्तरण भए पछि प्यालेस्टाइनको पुन संरचनामा अर्को ४ या ५ वर्ष लाग्ने अनुमान गरिएको छ ।