नयाँ दिल्ली– भारतले प्रक्षेपण गरेको चन्द्रयान २ नामक चन्द्र अभियानको ‘विक्रम’ नामक ल्याण्डर शनिबार बिहान चन्द्र धरातलमा अवतरण हुने भएको छ ।
भारतको अन्तरिक्ष निकाय इस्रोले स्थानीय समयअनुसार शनिबार साढे १ बजे देखि साढे २ बजेको समयमा विक्रम ल्याण्डरले चन्द्र धरातलमा अवतरण गर्ने जनाएको हो ।
विक्रम ल्याण्डर अवतरण भएको चार घण्टापछि ‘प्रज्ञान’ नामक रोबर चन्द्र धरातलमा पुग्नेछ । चन्द्रयानको विक्रम ल्याण्डमा तीन महत्वपूर्ण वैज्ञानिक उपकरण रहने र त्यसले चन्द्र धरातलमा आवश्यक अध्ययन तथा अनुसन्धान गर्ने इस्रोको भनाइ छ ।
प्रतिक्रिया