काठमाडौं– नेशनल डेमोक्रेटिक इन्स्टिच्यूटको आयोजनामा अमेरिकामा हुने लोकतन्त्र सम्बन्धी प्रशिक्षण कार्यक्रममा सहभागी हुन विभिन्न राजनीतिक दलका नेताहरु त्यसतर्फ जाने भएका छन् ।

सेप्टेम्बर ९ देखि १३ तारिखसम्म वासिङटन डिसीमा हुने कार्यक्रममा सत्तारुढ दल नेपाल कम्युनिष्ट पार्टीकातर्फबाट शुरेन्द्र पाण्डे, निरु पाल, विजय सुब्बा, अन्जना विशुंखे सहभागी हुने भएका छन् ।

त्यसैगरी प्रमुख प्रतिपक्ष दल नेपाली कांग्रेसका तर्फबाट डा. मिनेन्द्र रिजाल र सरिता प्रसाई सहभागी हुनेछन् भने राजपा नेपालका राजेन्द्र महतो समाजवादी पार्टीका राजेन्द्र श्रेष्ठ सहभागी हुनेछन् ।

नेपालको लोकतन्त्र र संघीयता अभिवृद्धि गर्ने उद्देश्यले नेशनल डेमोक्रेटिक इन्स्टिच्यूटले उक्त प्रशिक्षण कार्यक्रमको आयोजना गर्न लागेको हो ।

प्रशिक्षणमा सहभागी हुन उनीहरु शनिबार साँझ त्यसतर्फ लाग्नछन् ।