काठमाडौं- केही दिनयता केपी शर्मा ओली नेतृत्वको सरकारको विकल्पको खोजीमा सक्रिय नेकपा माओवादी केन्द्रका अध्यक्ष पुष्पकमल दाहाल प्रचण्ड सोमबार सिन्धुपाल्चोकको सुकुटे पुगेका छन् ।

सिन्धुपाल्चोकको सुकुटे क्षेत्रमा बाढी-पहिरो प्रभावित क्षेत्रको पुनिर्माणसहितको जानकारी लिन भन्दै उनी आरामका लागि पुगेका हुन् । उनी यसअघि पनि राजनीतिक तनाव भएमा आरामका लागि भन्दै गइरहने स्थानको सुकुटे ।

उनले सुकुटेमा माओवादीका नेता-कार्यकर्ता, जनप्रतिनिधि र जिल्लाका सुरक्षा अधिकारीसँग बाढीपहिरो प्रभावित क्षेत्रको पुनर्निर्माण लगायतबारेमा जानकारी लिएको सचिवालयले जनाएको छ ।

दाहालले सुकुटेमा सातौँ महिला र आठौं पुरुष राष्ट्रिय बिच भलिबल प्रतियोगिता उद्घाटन गर्ने कार्यक्रम मिलाइएको छ ।