काठमाडौं– नेकपा माओवादी केन्द्रका महासचिव देव गुरुङले सरकारले ल्याउन लागेको अध्यादेशको विरोध जनाएका छन् । 

उनले संसद्को झ्याल ढोका बन्द गरेर अध्यादेशबाट सरकार चलाउने अलोकतान्त्रिक कदम बन्द गर्नुपर्ने समेत ध्यानाकर्षण गराए । 

उनले सोमबार ओली नेतृत्वको कंग्रेस–एमाले सरकारले संसद् छलेर अध्यादेश मार्फत केही नेपाल ऐन संशोधन गरी शासन चलाउने अलोकतान्त्रिक मार्ग तर्फ लागिरहेको आरोप लगाए ।  

संसद्को हिउँदे अधिवेशन बोलाउने समय भइसक्दा पनि अहिलेसम्म अधिवेशन आह्वान नगरेकोमा गुरुङले आपत्ति समेत जनाउ । 

संसद्मा दर्जनौँ विधेयकहरू ४ महिना देखि दराजमा थन्किएका छन्। त्यसैले अविलम्ब सदन को हिउँदे अधिवेशन आह्वान गरियोस्। गुरुङले भने, ‘जे जति ऐन कानुन निर्माण वा संशोधन गर्नु पर्ने छ, ती सबै सदन को लोकतान्त्रिक विधिबाट अगाडि बढाइयोस्। संसद्को झ्याल ढोका बन्द गरेर अध्यादेशबाट सरकार चलाउने अलोकतान्त्रिक कदम बन्द गरियोस्।’