काठमाडौं–देशमा पछिल्लो समय शैक्षिक परामर्श सेवा (कन्सलटेन्सी)को जालो यति धेरै बढ्न थालेको छ कि दैनिक रुपमा विद्यार्थी तथा अभिभावक यो जालोमा फस्ने गरेका छन् । कन्सलटेन्सीले परामर्श सेवाका नाममा १५ देखि २० लाख रुपैयाँसम्म असुली गर्ने गरेको पाइएको खबर राजधानी दैनिकमा छ। उनीहरुले भर्ना प्रक्रियादेखि अन्य विभिन्न शीर्षकदेखाउँदै रकम लिने गरेका छन् ।

डुब्न लागेको २४ अर्ब खोज्न आनाकानी शीर्षकको समाचारमा विकास आयोजनाका नाममा ठेकेदारहरुले पेस्कीस्वरुप राज्यकोषबाट लिएको २४ अर्ब रुपैयाँको खोजी गर्न सरकारी पक्षले आलटाल गरेको छ । देशका विभिन्न भागमा विकास निर्माणका ठेक्का सञ्चालन गर्नका लागि ठेकेदारहरुले पेस्की स्वरुप झण्डै २४ अर्ब रुपैयाँ लिएका थिए ।

दुई अर्ब बढी खर्च, उपलब्धी न्यून शीर्षकको अर्को समाचारमा नेपालको सामाजिक विकास, राहत वितरण तथा पूर्वाधार विकासका नाममा गैरसरकारी संस्था (एनजीओ)हरुले २ अर्बभन्दा बढी खर्च गरेको देखिएपनि उपलब्धी भने न्यून रहेको पाइएको छ ।