कीर्तिपुर– कृषि तथा पशुपन्क्षी विकासमन्त्री रामनाथ अधिकारीले महिलालाई आत्मनिर्भर बनाउन सहकारी संस्थाको भूमिका महत्त्वपूर्ण रहेको धारणा व्यक्त गरेका छन् । 

डिजिटल बहुउद्देश्यीय सहकारी संस्था लिमिटेडद्वारा स्थापित परम्परागत फलफूलजन्य उत्पादन उद्योग ‘डिजिटल हिमालयन स्वीट्स एण्ड ट्रिट्स’को उद्घाटन गर्दै उनले गरिबी निवारण र महिलालाई आत्मनिर्भर बनाउन सहकारीको भूमिका महत्त्वपूर्ण रहेको बताए । 

उनले महिला नेतृत्व भएका सहकारी संस्थामा तुलनात्मक रूपमा कम समस्या देखिएको समेत उल्लेख गरे । 

स्थानीय स्तरमा सञ्चालित सहकारीले महिलालाई आत्मनिर्भर बनाउँदै श्रीमानको भर पर्नुपर्ने अवस्था कम भएको आफूले पाएको उनको भनाइ थियो ।