काठमाडौं – बालुवाटारमा मन्त्रिपरिषद् बैठक जारी छ । बैठक नियमित रहेको प्रधानमन्त्री केपी शर्मा ओलीको सचिवालयले जनाएको छ। बैठकमा सरकारका नियमित कामकारबाहीको विषयमा छलफल भइहरको बताइएकाे छ ।

मन्त्रिपरिषद् बैठक अघि प्रधानमन्त्री ओली राष्ट्रपति रामचन्द्र पौडेललाई भेट्न शितल निवास पुगेको थिए । शीतल निवास पुगरे ओलीले राष्ट्रपति पौडेललाई संविधान संशोधन अघि बढाउन कार्यदल बनाउन लागेको जानकारी दिएका छन् ।

‘संविधान संशोधनका लागि कार्यदल बनाउँदैछु’, ओलीले राष्ट्रपतिसँगको संवादका क्रममा भनेको भनाइबारे स्रोतले भन्यो, ‘सत्तारुढ दुई दलको सहकार्य संविधान संशोधनको एजेन्डाकै लागि भएको थियो । त्यहीअनुसार संविधान संशोधनका लागि कार्यदल बन्दैछ ।’

ओलीले कार्यदल बनाउने कुराबारे राष्ट्रपतिलाई ब्रिफिङ गरे पनि विस्तृत खुलाएनन् । उनले कार्यदलमा रहने सदस्यहरूबारे पनि विस्तृत ब्याख्या नगरेको शीतल निवास स्रोतले जनाएको छ ।