काठमाडौं– अर्थमन्त्रालयले असोज ३ गते संविधान दिवसको अवसरमा शहिद परिवारलाई दुर्घटना बीमा सहुलियत प्रदान गर्ने बीमा समितिलाई निर्देशन दिएको छ ।

मन्त्रालयले जनआन्दोलनसँग जनयुद्धमा ज्यान गुमाएका शहिद परिवारलाई दुर्घटना बीमा सहुलियत प्रदान गर्न १७ बुँदे कार्यपत्र पठाएको समितिले जानकारी दिएको छ ।

बीमा समितिले अग्रसरता लिएर बीमा एशोसिएशनसँग समन्वय गरी सहिद परिवारलाई दुर्घटना बीमामा सहुलियतको कार्यक्रम घोषणा गर्ने अर्थमन्त्रालयले समितिलाई पठाएको १७ बुँदे निर्देशनमा भनिएको छ ।

मन्त्रालयले केही दिन पहिले आफना मातहतका निकायलाई संविधान दिवस मनाउने सन्दर्भमा सहिद परिवारलाई सहुलियत प्रदान गर्न के कस्ता सुविधा छन भनेर छलफल गरेको थियो ।