काठमाडौं– सत्ता साझेदार नेपाली कांग्रेसका सभापति शेरबहादुर देउवाले अमेरिकाका पूर्वराष्ट्रपति जिमी कार्टरप्रति श्रद्धाञ्जली अर्पण गरेका छन् ।

सभापति देउवाले मंगलबार बिहान अमेरिकी दूतावासमा पुगेर पूर्वराष्ट्रपति कार्टर प्रति श्रद्धाञ्जली अर्पण गरेका हुन् । उनले त्यहाँ राखिएको शोक पुस्तिकामा हस्ताक्षर गरेका छन् ।

सभापति देउवा भारतका पूर्वप्रधानमन्त्री डा. मनमोहन सिंहप्रति पनि श्रद्धाञ्जली व्यक्त गरेका छन् । उनी मंगलबार बिहानै भारतका पूर्वप्रधानमन्त्री डा. सिंहप्रति श्रद्धाञ्जली व्यक्त गर्न भारतीय दूतावास पुगेका थिए । 

त्यहाँ पनि उनले शोक पुस्तिकामा हस्ताक्षर गरेका छन् । पूर्वराष्ट्रपति कार्टरको डिसेम्बर २९ र भारतीय पूर्वप्रधानमन्त्री सिंहको डिसेम्बर २६ मा निधन भएको थियो ।