काठमाडौं – चीनले आफ्ना युवालाई राजनीतिक रुपमा उक्साइरहेको विषय सतहमा आएपछि ताइवानले जाँचबुझ थालेको छ । ताइवानको मुख्यभूमि मामिला मन्त्रालयले यसबारे जाँचबुझ अघि बढाएको हो ।

हालै सार्वजनिक भिडियोमा ताइवानका ¥यापर चेन पो युयान र युट्युबर पा चियुङलाई चिनियाँ कम्युनिष्ट पार्टीका प्रतिनिधिले चिनियाँ राष्ट्रिय परिचयपत्र लिन उक्साइरहेको देख्न सकिन्छ । ताइपेई टाइम्सका अनुसार चीनको यस्तो गतिविधिबाट ताइवानी राष्ट्रिय सुरक्षामा जोखिम उत्पन्न हुने ठूलो सम्भावना रहन्छ ।

भिडियोमा चेन चीनको चुआनचु स्थित ताइवान युवा उद्यम पार्क र सियामेनस्थित स्ट्रेट हेराल्ड क्षेत्रमा घुमफिर गरिरहेका हुन्छन् । त्यहाँ लिन जिङडोङ नाम गरेका चिनियाँ कम्युनिष्ट पार्टीका एक जना प्रतिनिधिले चेनलाई चिनियाँ राष्ट्रिय परिचयपत्र लिन उक्साइरहेको देख्न सकिन्छ ।

चीनमा सम्पत्ति जोड्न र नयाँ व्यवसाय शुरु गर्न सहज हुने भएकाले धेरै ताइवानीले चिनियाँ राष्ट्रिय परिचयपत्र लिने गरेको बताइएको छ । हाल सियामेनमा २ हजारभन्दा धेरै ताइवानीले चिनियाँ राष्ट्रिय परिचयपत्र लिएका छन् ।

चीनको यस्तो गतिविधिलाई ‘संयुक्त मोर्चा’ रणनीति नाम दिइएको छ । यस रणनीतिअनुसार चीनले ताइवानका युवालाई प्रभावित बनाउने र त्यसबाट राजनीतिक लाभ लिने गरेको जनाइएको छ ।