काठमाडौं– मोहन बैद्य (किरण) नेतृत्वको नेपाल कम्युनिस्ट पार्टी (क्रान्तिकारी माओवादी)का नेता राममणि अधिकारीको निधन भएको छ ।

क्रान्तिकारी माओवादीको केन्द्रीय सल्लाहकार समितिका सदस्य रहेका अधिकारीको भेरी अस्पतालमा उपचारका क्रममा निधन भएको हो ।

७३ वर्षीय अधिकारी बुधबार राति निधन भएको जनाइएको छ ।

क्रान्तिकार माओवादीका महासचिव बैद्यले विज्ञप्ती जारी गर्दै अधिकारीको निधनबाट पार्टी र नेपाली क्रान्तिलाई ‘ठूलो क्षति’ भएका जनाएका छन् ।

अधिकारी ने पाल कम्युनिस्टको तेस्रो महाधिवेशन पञ्चात कम्युनिस्ट राजनीतिमा होमिएका थिए । अधिकारीले नेकपा माओवादीले सञ्चालन गरेको १० वर्षे ‘जनयुद्ध’मा पनि महत्वपूर्ण भूमिका खेलेका बैद्यले जनाएका छन् ।