काठमाडौं– जनमत पार्टीले काठमाडौंलगायत विभिन्न जिल्लामा धोती दिवस मनाएको छ । 

काठमाडौंको माइतीघरलगायत विभिन्न जिल्लामा जनमतले धोती दिवस मनाएको हो । आ–आफ्ना मौलिकता झल्किने धोती, कुर्ता आदि पोसाक लगाएर धोती दिवस मनाउन जनमतका अध्यक्ष सिके राउत लगायत माइतीघरमा सहभागी भएका थिए ।

उनीहरूले धोती हाम्रो शान हो, मधेशीको पहिचान हो, मधेशी एकता जिन्दाबाद, धोती भनेर हेप्न पाइँदैन, धोती हाम्रो राष्ट्रिय पोसाक हो लगायतका प्लेकार्ड देखाएका थिए ।

सो क्रममा जनमत पार्टीका अध्यक्ष डा. सिके राउतले सबै जातजातिको आफ्नै भेषभुषा रहेको र त्यसलाई सबैले आफ्नो सम्पत्ति मान्नुपर्ने बताए। अहिले पनि एकल भाषाभाषी लाद्ने कोसिस भइरहेकाले त्यसप्रति सजक गराउनका लागि पनि धोती दिवस मनाएको उनले बताए । 

जनमतले जनवरी १ तारिकका दिन हरेक वर्ष धोती दिवस मनाउँदै आएको छ । 

हेर्नुहोस् तस्बिरहरु :