तेहरान– इरानले हर्मुजको स्टे«टमा नौसैनिक अभ्यास शुरु गरेको छ । शुक्रबारबाट शुरु जल सेनाको अभ्यासमा १ सयभन्दा धेरै इरानी युद्धपोत तथा पानीजहाजको प्रयोग गरिएको छ भने अभ्यासमा सयौँ नौसैनिक सहभागी छन् ।

शुक्रबारबाट शुरु नौसैनिक अभ्यासमा पहिलोपटक पनडुब्बीबाट मार हान्न सक्ने क्रुज क्षेप्यास्त्रको पनि परीक्षण गरिने इरानी अधिकारीले जनाएका छन् ।

नौसैनिक अभ्यासका क्रममा इरानले संभावित युद्धका क्रममा नौसेनाको तयारी, जोखिम मुल्याङ्कन तथा नयाँ हतियारको परीक्षण गर्ने जनाइएको छ ।

गत साता इरानले प्रक्षेपण गरेको ‘फतेह’ नामक पनडुब्बीबाट क्रुज क्षेप्यास्त्रको परीक्षण यो नौसैनिक अभ्यासको महत्वपूर्ण पाटो हुने इरानको इस्ना समाचार संस्थाले जनाएको छ ।

पछिल्लो समय इरान तथा अमेरिका र अमेरिकाका क्षेत्रीय साझेदारबीचको सम्बन्ध चिसिँदै गएका बेला इरानले फारसको खाडीको प्रवेशद्वार मानिने हर्मुजको स्टे«टमा नौसैनिक अभ्यास शुरु गरेको हो ।

इरानले बेलाबेला आफ्नो मुलुकविरुद्ध कुनै वाह्य आक्रमण भएमा हर्मुजको स्टे«ट बन्द गरिदिने चेतावनी दिँदै आएको छ । हमुर्जको स्टे«ट कच्चा तेल निर्यातका लागि विश्वकै सबैभन्दा महत्वपूर्ण निर्यातमार्ग हो ।