काठमाडौं- सरकारले सहकारीसम्बन्धी अध्यादेश जारी गरेसँगै राष्ट्रिय सहकारी विकास बोर्ड स्वतः खारेजीमा परेको छ । बोर्डका पदाधिकारीसमेत पदमुक्त भएका छन् ।

भूमि व्यवस्था, सहकारी तथा गरीवी निवारण मन्त्री अध्यक्ष रहने सहकारी विकास बोर्डमा मित्रराज दवाडी सहअध्यक्ष थिए । बोर्ड खारेजीमा परेसँगै दवाडी पदमुक्त भएका छन् ।

सहकारी विकास बोर्डमा कार्यरत कर्मचारीहरुको हकमा भने सबै कर्मचारीलाई सहकारी प्राधिकरणमा तत–तत् जिम्मेवारीमा समायोजन गरिने अध्यादेशमा जनाइएको छ ।

राष्ट्रिय सहकारी विकास बोर्डमा १४ जना कर्मचारी कार्यरत थिए । बोर्ड खारेजीसँगै यस कार्यालयमा रहेको सम्पूर्ण चल अचल सम्पत्ति र कागजपत्र सहकारी प्राधिकरणमा सर्ने भएको छ ।

सरकारले अध्यादेशमार्फत् प्राधिकरण गठन गरेपछि सहकारी बोर्ड खारेज भएको हो ।

हेर्नुहोस् कर्मचारीको सूची–

राष्ट्रिय सहकारी विकास बोर्डका कर्मचारी र पदाधिकारीको नामावली