काठमाडौं– राष्ट्रिय स्वतन्त्र पार्टी रास्वपाको सचिवालय बैठक सम्पन्न भएको छ । उपसभापति डिपी अर्याल कार्यवाहक सभापति भएपछि पहिलो पटक बसेको सचिवालय बैठकले पार्टीको सङ्गठनात्मक संरचना सुदृढीकरण गर्ने छलफल गरेको छ ।

कार्यवाहक सभापति अर्यालका अनुसार बैठकमा पार्टीको सङ्गठनात्मक संरचना सुदृढीकरण, राष्ट्रिय मुद्दाहरूमा छलफल, र आगामी अभियानहरूको योजना बनाउने विषयमा ध्यान केन्द्रित भएको छ ।

यस्तै नेताहरूले सदस्यहरूबीच समन्वय अभिवृद्धि गर्ने र पारदर्शिता तथा जबाफदेहीताका सिद्धान्तहरूलाई पालन गर्ने विषयमा पनि कुराकानी भएको बताइएको छ ।

बैठकले नेपाली राजनीतिमा आफ्नो उपस्थिति बलियो बनाउने रास्वपाको प्रतिबद्धतालाई झल्काउने अर्यालको दाबी छ ।