काठमाडौं- न्याय परिषद्ले जिल्ला र उच्च अदालतका न्यायाधीशहरूको सरुवा गरेको छ ।

शुक्रबार बसेको न्याय परिषद् बैठकले जिल्ला अदालतका १६ र उच्च अदालतका ९ जना न्यायाधीशको सरुवाका लागि सिफारिस गरेको हो।

न्यायपरिषद्ले विषेश अदालतका खुसीप्रसाद थारुलाई सरुवा गरेर उच्च अदालत जनकपुरको अस्थायी इजलास वीरगञ्जमा पठाएको छ ।

उता उच्च अदालत पाटन दरबन्दी भएर राजस्व न्यायाधीशरणमा काजमा रहेका रमेश ढकाललाई उच्च अदालत तुलसीपुरको बुटवल इजलास पठाइएको छ।

उता बुटवल इजलासमा रहेका दीपेन्द्र अधिकारीलाई उच्च अदालत पोखरामा सरुवा गरिएको छ।

जिल्ला अदालत अछामका प्रकाश ढुंगानाको जिल्ला अदालत पर्वतमा सरुवा गरिएको छ । जिल्ला अदालत इलामका न्यायाधीयश केशवप्रसाद घिमिरेलाई जिल्ला अदालत मोरङमा सरुवा गरिएको छ ।