चितवन– नेपाल कम्युनिस्ट पार्टीका अध्यक्ष पुष्पकमल दाहाल प्रचण्डले चितवनलाई विकासको मोडल बनाउन लागेको बताएका छन् ।

बुधबार चितवनको भरतपुरमा भरतपुर विमानस्थल विस्तार तथा सुधार सम्बन्धी अन्तरक्रिया कार्यक्रममा अध्यक्ष प्रचण्डले चितवनमा हुने विकास प्रक्रिया देशको अन्य शहरमा पनि लागु गर्न सक्ने गरी विकासको मोडल बनाउन खोजेको बताएका हुन् ।

विकासको मोडल तयार गरेर सरकारलाई सघाउने आफ्नो जिम्मेवारी पनि रहेको बताए । अध्यक्ष प्रचण्डले देशको केन्द्र र काठमाडौंको वैकल्पिक शहरको रुपमा चितवनलाई हेरिएको हुँदा यसको विकास आफ्नो जिम्मेवारी भित्र रहेको पनि बताए ।

चितवनलाई विकाशको मोडल बनाउन नदिने, यसको प्रक्रियालाई नै अबरोध गर्न, जनतामा भ्रम पैदा गर्ने शक्तिहरु सक्रिय रहेकोले अध्यक्ष प्रचण्डले सबै क्रियाशील भएर एक्सनमा जानु पर्ने बताए ।