काठमाडौं– नेपाल प्रिमियर लिग (एनपीएल)को यस संस्करणको उपाधि विजेता टोली जनकपुर बोल्ट्सले एक करोड १० लाख रुपैयाँ नगद पुरस्कार प्राप्त गरेको छ ।
पूर्वप्रधानमन्त्रीद्वय शेरबहादुर देउवा र पुष्पकमल दाहाल ‘प्रचण्ड’को उपस्थितिमा टिमका कप्तान एवम् मार्की प्लेयर आशिफ शेखलाई उक्त रकम बराबरको चेक प्रदान गरिएको हो ।
जनकपुरसँग फाइनलमा हारेको टोली अर्थात् प्रतियोगिताको उपविजेता सुदूरपश्चिम रोयल्सले ५० लाख रुपैयाँ नगद पुरस्कार जितेको छ ।
प्रतियोगितामा तेस्रो स्थान बनाएको कर्णाली याक्सले २० लाख र चौथो स्थान बनाएको चितवन राइनोजले १५ लाख रुपैयाँ नगद पुरस्कार पाएको छ ।
प्रतिक्रिया