एजेन्सी– अमेरिकाले डोरिअन समुद्री आँधीका कारण फ्लोरिडा क्षेत्रमा संकटकाल घोषणा गरेको छ ।

आँधीको वेग र त्यसले निम्त्याउन सक्ने जोखिमलाई मध्यनजर गर्दै अमेरिकाले संकटकाल घोषणा गरेको हो । आँधीको जोखिमलाई मध्यनजर गर्दै फ्लोरिडास्थित पूर्वी तटका वासिन्दाहरुलाई सुरक्षित स्थानतर्फ सार्ने काम भइरहेको वासिंगटनले जनाएको छ ।

उक्त चक्रवाती समुद्री आँधी प्रतिघण्टा दुई सय ८५ किलोमिटरको वेगमा अमेरिकातिर आइरहेको मौसम तथा भूगोलविदहरुले जनाएका छन् ।

डोरिअन आँधी अहिलेसम्मकै खतरनाक रहेको समुद्री आँधी सम्बन्धी अध्ययन गर्ने अमेरिकी निकाय एनएचसीले जनाएको छ । स्थानीय समयअनुसार दिउँसो १२ बजेर ४० मिनेट जाँदा उक्त आँधी उत्तरी बहमासस्थित एबाकोको एल्बोकी भन्ने स्थानमा पुगेको थियो ।

सो क्षेत्रमा आँधीले ठूलो क्षति पु¥याएको छ । घरहरूमा बाढी पस्नुका साथै आँधीले घरका छाना उडाएको छ । मौसम तथा भूगोलविदहरुले आँधीबाट जोगिनका लागि सरकारले उचित कदम चाल्नुपर्ने बताएका छन् ।