काठमाडौं- नेपाल प्रिमियर लिग (एनपीएल) अन्तर्गत मंगलबारको दोस्रो खेलमा चितवन राइनोजका रवि बोपारले पोखरा एभेन्जर्सविरुद्ध अर्धशतक बनाएका छन् ।
बोपाराले ३६ बलको सामना गर्दै अर्धशत पूरा गरेका हुन् । ५० रन बनाउने क्रममा उनले तीन चौका र तीन छक्का प्रहार गरे । अर्धशतकपछिको दोस्रो बलमा उनी आउट भए। ३८ बलमा ५१ को स्कोर गर्दै उनले चितवनलाई पनि उद्धार गरे ।
कीर्तिपुर मैदानमा टस हारेर चितवनले पहिला ब्याटिङको निम्तो पाएको चितवन सुरुवातीक्रमका तीन ब्याटर सस्तैमा पवेलियन फर्कदा संकटमा परेको थियो ।
तर चितवनलाई रवि बोपरा र कुशल मल्लले उकासेका थिए । चितवनको स्कोर उकास्न योगदान गरेका दुवैजना अहिले आउट भइसकेका छन् ।
प्रतिक्रिया