एलोपो – सिरियाको एलोपो सहरमा विद्रोही सेनाले कब्जा जमाउँदै गएपछि रुसले हवाई आक्रमण जारी राखेको छ। बेलायतको सियिरन अब्जरभेटरी फर ह्युमन राइटका अनुसार एलेपो अस्पतालमा १२ जनाको ज्यान गएको छ। यसैगरी, उत्तर पश्चिमी सहर इदबिबमा भएको आक्रमणमा ८ सर्वसाधारणको ज्यान गएको छ भने ५० भन्दा बढी घाइते भएका छन्।

हालै विद्रोहीले कब्जामा लिएको ग्रामीण क्षेत्रमा युद्ध विमानबाट आक्रमण भइरहेको छ। सिरियामा गृहयुद्ध जारी भएयता एलेपोमा सरकारी सेनाले नियन्त्रण गुमाएको यो नै पहिलो पटक हो। पछिल्ला समयको गृह युद्ध बुधबार नयाँ मोडमा पुगेको हो। यो विद्रोही सेना इस्लामिक सैन्य सङ्गठन हायात तरहिर अल सालमको नेतृत्वमा छ। सो समूहलाई टर्कीले सहयोग गरेको छ।

पछिल्लो झडपमा तीन सय भन्दा बढी व्यक्ति घाइते भएको समेत जनाइएको छ। सन् २०१६ यता सिरियामा पहिलो पटक रुसले हवाई आक्रमण गरेको हो।

गृह युद्ध माथिल्लो तहमा पुगेको समयमा बसाल अल आसादलाई राष्ट्रपति पदमा आसिन गराउन रुसको हवाई आक्रमणले ठुलो साथ दिएको थियो। उत्तरी सहर इदबिबमा विद्रोही सेनाले कब्जा जमाए पछि रुसले आइतबार पनि हवाई आक्रमण गरेको हो।

छिमेकको कुर्दीस सङ्गठनले नियन्त्रणमा लिएको केही स्थान बाहेक विपक्षी सेनाले लगभग सबै सरकारी भूमि अहिले आफ्नो नियन्त्रणमा लिएको छ। अहिले सिरिया चौथो ठुलो सहरमा विद्रोही सेनाको प्रभाव बढ्दो छ। सिरियाको रक्ष मन्त्रालयले पनि रुसको सहयोगमा प्राप्त युद्ध विमान मार्फत विद्रोहीमाथि आक्रमण भइरहेको जनाएको छ।