काठमाडौं – हिन्दू नेपाली नारीहरुको महान चाड तीजको रौनक सोमबार पशुपतिनाथमा देखियो । राजधानीस्थित पशुपतिनाथ मन्दिरमा व्रतालुहरुको भीड लागेको थियो । भाद्र शुक्ल तृतीयाका दिन मनाइने हरितालिका तीज पर्वका अवसरमा पशुपतिनाथ लगायतका शिव मन्दिरहरुमा दर्शनार्थी र ब्रतालु महिलाहरु विहानैबाट पुगेका थिए ।

तीनै भीडमा नेपाली कलाकारहरु पनि तीज मनाइरहेका थिए । उनीहरुले पनि भव्यरुपमा तीज मनाएका छन् । शूटिङका कारण तीज मनाउन नपाएका कलाकारले पनि सामाजिक सञ्जालमा आफू सजिएका तस्वीर अपलोड गर्दै तीजको शुभकामना व्यक्त गरेका छन् ।

तीजमा नायिका केकी अधिकारी भने चितवन पुगेकी थिइन् । उनी त्यहाँ चलचित्र ‘छ माया छपक्कै’ को प्रचारका लागि फिल्म युनिटसँग पुगेकी थिइन् । यस्तै दीपाश्री निरौला आफ्नो जन्मस्थान विराटनगर पुगेकी छिन् ।

उनले आफ्ना परिवारका साथ विभिन्न मन्दिर गएर तीज मनाइन् । ‘विरलै घर आउन पाइन्छ, रमाइलो भएको छ, आजको दिन एकदमै रमाइलो भयो,’ दीपाश्रीले खबरहबसँग भनिन् ।

यता नायिका वर्षा शिवाकोटीले भने आफू चलचित्र ‘लक्का जवान’ को छायांकनमा व्यस्त भएकाले तीज मनाउन नपाएको बताइन् । यद्यपि उनले सामाजिक सञ्जालमार्फत खुशी साटेकी छिन् ।

अन्य चर्चित नायिकाहरुले पनि सामाजिक सञ्जालमा आफ्नो तीजको रौनकलाई शेयर गरेका छन् । हेरौँ तस्वीरहरु:

 तस्वीरहरू: सामाजिक सञ्जाल