मुम्बई – आफ्ना स्टार्सका लागि फ्यानले के के गर्दैनन्? क्रेजी फ्यानले आफ्ना स्टार्सको ट्याटु खोप्ने त सामान्य नै हो । एक फ्यानले भने अक्षय कुमारलाई भेट्न लामो यात्रा तय गरेका छन् ।

ती फ्यान अक्षय कुमारलाई भेट्न ९०० किलोमिटर पैदल हिँडेर आएका छन् । अक्षय कुमारले सामाजिक सञ्जालमा एक भिडियो शेयर गर्दै ती फ्यानको तारिफ गरेका छन् ।

अक्षय कुमारले इन्स्टाग्राममा एक भिडियो शेयर गरेका छन् । उक्त भिडियोमा उनले आफ्नो फ्यानसँग कुरा गरिरहेका छन्, जो ९०० किलोमिटर पैदल हिँडेर आएका छन् । उनको नाम परबत हो ।

गुजराजको द्वारिकादेखि पैदल हिँडेर उनी मुम्बई आएका थिए । मुम्बईस्थित अक्षय कुमारको घर पुग्न उनलाई १८ दिन लागेको थियो ।

कुराकानीका सिलसिलामा उनले आफूलाई पैदल हिँड्न खासै गाह्रो नभएको बताएका छन् । बरु सबैलाई फिट रहन आग्रह गरेका छन् ।