काठमाडौं – नेपालमा आयोजना हुने १३ औं दक्षिण एसियाली खेलकुद प्रतियोगिता साग अन्तर्गत महिला फुटबलका लागि नेपालले प्रारम्भिक चरणमा ३२ खेलाडी छनोट गरेको छ ।

मुख्य प्रशिक्षक हरि खड्काले आइतबार प्रशिक्षणमा रहेका ४२ खेलाडीबाट प्रारम्भिक चरणमा ३२ खेलाडी छनोट गरेका हुन् ।

अखिल नेपाल फुटबल संघ (एन्फा) ले किर्गीस्तानमा आयोजना हुने नादेझ्दा कप अघि अन्तिम २३ सदस्सीय नेपाली टोलीको घोषणा गर्ने जनाएको छ।

नेपालले सागका लागि गत साउन २६ गतेबाट प्रशिक्षण शुरु गरेको थियो । नेपाली टोलीले सुरुवातमा एन्फा कम्प्लेक्स मैदान सातदोबाटो र हाल नक्सालस्थित प्रहरी प्रधान कार्यालयको मैदानमा प्रशिक्षण गरिरहेको छ । किर्गिस्तानको नादेझ्दा कप भदौ २० गतेदेखि २७ गतेसम्म आयोजना हुनेछ । साग आगामि मंसिर १५ बाट २४ सम्म पोखरामा रंगशालामा हुनेछ ।

नेपाली महिला टोली

गोलकिपर : एन्जिला सुब्बा, अन्जना राना मगर, उषा नाथ
डिफेन्डर : हिरा कुमारी भुजेल,गीता राना, मनमाया लिम्बु, निशा थोकर, पुनम जर्गा मगर,विमला विके, पुजा राना मगर, रोजिना श्रेष्ठ,घिम कुमारी गुरुङ, अमृता जैसी, कविता धिमाल
मिडफिल्डर : अन्जली कुमारी योन्जन, रेनुका नगरकोटी, अनिता बस्नेत, इन्दिरा राई, विमला चौधरी, दिपा राई, सपना लामा, सर्मिला थापा, सबिता राना मगर, प्रिती राई
फरवार्ड : सावित्रा भण्डारी, अनिता केसी, रेखा केसी, रेखा पौडेल, निरु थापा, कृष्णा खत्री, रश्मी कुमारी घिसिङ