काठमाडौं– काठमाडौंबाट कतारको दोहाका लागि उड्न लागेको विमानमा चरा ठोकिएको छ ।

त्रिभुवन विमास्थलबाट कतारको दोहाका लागि उड्न लागेको कतार एयरवेजको विमानमा चरा ठोकिएपछि केही बेर उडान अवरुद्ध भएको थियो ।

आइतबार मध्यान्ह १२ बजेर १० मिनेटमा कतारबको दोहा उड्ने तयारीमा रहेको कतार एयरवेजको विमानमा चरा ठोकिएको थियो । धावन मार्गमा रहेको कतार एयरवेजको क्युआर ६४५ विमानमा चरा ठोक्किएपछि उडान रद्द गरिएको थियो ।

चरा ठोक्किए लगत्तै जहाज ग्राउन्डेड गरी कतार एयरवेजकै इन्जिनियरहरुले प्राविधिक जाँच गरेको विमानस्थलका राजकुमार क्षेत्रीले जानकारी दिए ।

जहाजको इन्जिनमा चरा ठोक्किएको विमानस्थलले जनाएको छ । इन्जिनमा चराको पखेटा र रगत लतपतिएको भेटिएपछि विमान ग्राउन्डेड गराइएको छ । विमानस्थलबाट अन्य उडान भने सुचारु भएको छ ।