काठमाडौं- गत शुक्रबार रिलिज भएको नेपाली कथानाक चलचित्र ‘हृश्वदीर्घ’का भारतीय अभिनेता प्रदीप रावत नेपाल आइपुगेका छन् ।
उनी नेपाल आएलगत्तै ‘ह्रस्व दीर्घ’का दर्शकसँग संवाद गर्न जुटेका छन् ।
चर्चित बलिउड फिल्म ‘गजनी’का खतरनाक भिलेन उनले सोमबार बिग मुभिजमा पुगेर दर्शकसँग संवाद गरे । रावतले पत्रकारलाई अन्तर्वार्ता पनि दिए ।
‘हृश्व दीर्घ’मा महामहन्तको भूमिका निर्वाह गरेका उनी श्रीमती कल्याणीसँगै नेपाल आएका हुन् । रावतले नेपालका अन्य सहरमा पनि गएर दर्शकसँग अन्तर्क्रिया गर्ने भएका छन् ।
नीता ढुंगाना र हरिहर अधिकारी अभिनित चलचित्र ‘हृश्व दीर्घ’ मा अन्य अभिनेता ब्रह्मानन्दन, सुनिल बर्मा, मोहम्मद अलीसहितको अभिनय छ ।
वितरक कम्पनी ब्यांकटेस इन्टरटेन्मेन्टका अनुसार सुरुवाती तीन दिन शुक्रबार, शनिबार र आइतबार यस फिल्मले २ करोड ७५ लाख ग्रस कलेक्सन गरेको छ ।
प्रतिक्रिया