काठमाडौं– नेपाली कांग्रेस केन्द्रीय कार्यसमितिको आकस्मिक बैठक आज बस्दैछ । बैठक बिहान साढे १० बजे पार्टी केन्द्रीय कार्यालय सानेपामा बोलाइएको छ ।

केन्द्रीय कार्यसमितिको बैठकले प्रतिनिधिसभाका पूर्वसभामुख तथा कांग्रेस नेता दमननाथ ढुङ्गानाको निधनमा श्रद्धाञ्जली अर्पण गर्दै शोक प्रस्ताव पारित गर्नेछ ।

८३ वर्षीय ढुङ्गानाको कलेजो सम्बन्धी रोगको उपचारको क्रममा आइतबार दिउँसो निधन भएको थियो ।

विसं २०४६ सालको जनआन्दोलनताका नेपाली कांग्रेसको प्रवक्ता रहेका ढुङ्गाना २०४८ सालको निर्वाचनमा काठमाडौं क्षेत्र नम्बर २ बाट प्रतिनिधिसभामा निर्वाचित भएका थिए । सो निर्वाचनमा काठमाडौंबाट निर्वाचित हुने उनी कांग्रेसका एक्ला सांसद थिए । ढुङ्गाना २०४८ सालदेखि २०५१ सालसम्म सभामुख भएका थिए ।