काठमाडौं – भारतले रक्षा क्षेत्रको विकासका लागि क्वान्टम प्रविधिमा जोड दिने भएको छ । रक्षा क्षेत्रमा क्वान्टम र विद्युतीय प्रविधिको प्रयोगसम्बन्धी सम्मेलनमा भारतीय सेनाका प्रमुख जनरल अनिल चौहानले यस्तो बताएका हुन् ।

आधुनिक युद्धकार्यमा क्वान्टम प्रविधिको ठूलो रणनीतिक महत्व रहेको उल्लेख गर्दै जनरल चौहानले भारले पनि यसको प्रयोग अघि बढाउने बताए । जटिल भूराजनीतिक अवस्थितीमा क्वान्टम प्रविधिको प्रयोगले भारतलाई संसारकै अग्रणी मुलुक बनाउने दाबी गरे ।

पछिल्लो समय विद्युतीय युद्धकार्यमा कृत्रिम बुद्धिमत्ता, मेसिन लर्निङ, क्वान्टम प्रणालीजस्ता नवीन प्रविधिलाई समावेश गर्नु अत्यावश्यक रहेको उनको भनाइ छ । उनले दक्ष जनशक्तिको उत्पादन, शोध अनुसन्धानमा लगानी, रक्षा उत्पादन एवम् प्राविधिक साझेदारीजस्ता कारणले छोटो समयमा नै भारत क्वान्टम प्रविधिमा अग्रणी मुलुकका रुपमा स्थापित हुने विश्वास व्यक्त गरे ।