काठमाडौं- आगामी मंसिर १६ गते हुन लागेको स्थानीय तह उपनिर्वाचनका लागि आइतबार देशका ४४ वटै स्थानमा मनोनयन हुँदैछ ।

काठमाडौं उपत्यकाभित्र कीर्तिपुर नगरपालिकाको मेयरका लागि उम्मेदवारी दर्ता हुँदैछ ।

उम्मेदवारी दर्ताका क्रममा साना-ठूला दलदेखि स्वतन्त्र उम्मेदवारहरूको पनि उम्मेदवारी परेको छ ।

ठूला दलले मनोनयनमा जाने क्रममा उम्मेदवारलाई खादा र मालासहित जुलुस पनि निकालेका छन् ।

उनीहरूले त्यसक्रममा आफ्नै उम्मेदवारले जित्ने दाबी गरेका छन् । कीर्तिपुरमा कांग्रेसबाट निर्वाचित मेयरको निधनपछि उपनिर्वाचन हुँदैछ ।

त्यहाँका वडा नम्बर १ र ४ मा पनि उपनिर्वाचन हुँदैछ । त्यसका लागि जसपा नेपालले तेस्रो लिङ्गीलाई मैदानमा उतारेको छ । कीर्तिपुरमा स्वतन्त्र उम्मेदवारी पनि परेको छ ।