काठमाडौं – मानव अधिकारवादी संघसंस्थाले पाकिस्तानमा जेल जीवन बिताइरहेका सामाजिक अभियन्ता इद्रिस खटकलाई तत्काल रिहा गर्न माग गरेका छन् । फ्रन्ट लाइन डिफेन्डर्सले इद्रिसको स्वास्थ्य अवस्थाप्रति चिन्ता व्यक्त गर्दै उनलाई तत्काल रिहा गर्न माग गरेको हो ।

सामाजिक सञ्जालमा पोस्ट गर्दै उक्त संस्थाले उनलाई तत्काल रिहा गर्न आह्वान गरेको हो । इद्रिसलाई सन् २०१९ को नोभेम्बर महिनामा पक्राउ गरिएको थियो ।

सन् २०२१ को डिसेम्बरमा उनलाई सैन्य अदालतले १४ वर्षको जेल सजाय सुनाएको थियो । पछिल्लो ५ वर्षयता उनी जेलमा छन् । उनलाई राखिएको कारागारमा अस्वस्थ र असुरक्षित वातावरण रहेको उक्त संस्थाको भनाइ छ ।

उनले पाकिस्ताका जातीइ एवम् धार्मिक अल्पसङ्ख्यकको अधिकारका लागि अभियान सञ्चालन गर्दै आएका थिए । इद्रिस पाकिस्तानी सेनाले खैबर पख्तुनख्वा प्रान्तमा चलाएको सैन्य अभियानको आलोचक थिए ।