जेरुसेलम– दक्षिणी गाजाको खान युनिसमा भएको इजरायली आक्रमणमा नौ जनाको ज्यान गएको छ । फदाह अल सफाह स्कुलमा रहेको आरक्षण शिविरमा भएको आक्रमणमा यसअघि नै ५ जनाको ज्यान गइसकेको थियो । 

यसैबीच इजरायली सेनाले उसको १६२ औँ डिभिजनले लगातार उत्तरी गाजाको जाबालियमा आक्रमण गर्दै दर्जनौँ आतंकवादीलाई विस्थापित गरेको तथा उनीहरूको युद्धका लागि राखिएको हतियार नष्ट गरिएको दाबी गरेको छ । इजरायली सेनाले नहाल ब्रिगेडले दक्षिणमा रहेको रफाहामा आक्रमण जारी राखेको जनाएको छ। 

इजरायली एयर फोर्सले गएको २४ घण्टामा गाजा र लेबनानका कुल ५० वटा आतङ्कवादी केन्द्रमा आक्रमण गरेको जनाएको छ । केही मिनेट अघिको समाचार अनुसार गाजाको बेत लाहिएमा भएको इजरायली आक्रमणमा १ जनाको ज्यान गएको छ ।