काठमाडौं– सभापति रवि लामिछाने पक्राउको विरोधमा राष्ट्रिय स्वतन्त्र पार्टी (रास्वपा)ले आज पनि विरोध प्रदर्शन जारी राख्ने भएको छ । 

बुधबार दिउँसो ४ बजे पोखराको मानवअधिकार चोकसहित विभिन्न जिल्लामा विरोध कार्यक्रम गर्ने पार्टीका कार्यवाहक प्रवक्ता मनिष झाले जानकारी दिए।

मंगलबार रत्नचोक हुँदै वाईचोकमा भएको प्रदर्शनका क्रममा प्रहरीले लाठीचार्जसहित ६ सेल अश्रुग्यास प्रहार गरेको थियो भने प्रदर्शनमा सहभागी १५ जनालाई गिरफ्तार गरेको थियो ।

बुधबार जारी विज्ञप्तिमा भनिएको छ ‘संसदीय छानविन समितिले अनुसन्धान गरि सहकारीको बचत अपचलनमा लामिछानेको संलग्नता नरहेको भनेपनि सरकारले अनुसन्धान अगाडि बढाएको छ । हिरासतमा राखेर अनुसन्धान गर्नुपर्ने कुनै आधार नभएपनि म्याद थपेर हिरासत बसाइ लम्ब्याउने प्रतिशोधपूर्ण प्रयास भइरहेको प्रति हाम्रो गम्भीर ध्यानाकर्षण भएको छ’ 

पोखराको सूर्यदर्शन सहकारी ठगी प्रकरणमा लामिछाने कात्तिक २ गते काठमाडौं पार्टी केन्द्रीय कार्यालयबाटै पक्राउ परेका थिए।