एजेन्सी – रूसी राष्ट्रपति भ्लादिमिर पुटिन अफ्रिकी मुलुकका विदेशमन्त्रीहरूसँग आज (शनिबार) देखि दुई दिने बैठक बस्दैछन्‌ । पुटिनले अफ्रिकाका सबै विदेशमन्त्रीलाई रूसी शहर सोचीमा बोलाएका हुन्‌ ।

सोचीको रूसी ब्लकमा सी रिसोर्टमा हुँदै गरेको बैठकको उद्देश्य मस्कोसँग राजनीतिक, आर्थिक र सुरक्षा सम्बन्ध विस्तार गर्ने तथा अफ्रिकी क्षेत्रमा पश्चिमी प्रभावविरुद्ध लड्नु रहेको बताइएको छ ।

रूसी राष्ट्रपति पुटिनले पनि अफ्रिकामा आफ्नो प्रभाव बढाउन केही देशमा परमाणु ऊर्जा स्टेशन बनाइदिने आश्वासन दिएका छन्‌ ।

‘सैन्य कू’ पश्चात्‌ अफ्रिकाका नाइजर, माली र बुर्किना फासोका सैनिक शासकहरूले फ्रान्ससँग सम्बन्ध तोडेका छन्‌ । ती शासकहरूले आवश्यक सुरक्षा सहायताका लागि रूसलाई आग्रह गर्ने गरेका छन्‌ ।