न्युयोर्क– अमेरिकी राष्ट्रपति पदको निर्वाचनका एक दिन बाँकी रहँदा मिचिगनमा पुगेर ह्यारिसले भनिन्,‘जाऊ र गएर मतदान गरौँ र अन्यलाई मतपत्रमा खोज्न परोस्,’ ह्यारिसको यसै अभिव्यक्ति अहिले चर्चामा छ । साथै डेमोक्र्याटमा उत्साह थपिएको छ । 

मिचिगनमै ट्रम्पले डेमोक्र्याट पार्टीलाई ‘डेमोनिक’ पार्टीको संज्ञा दिँदै जो बाइडेनका कारण आधार मुत बस्तुको मूल्य बढेको आरोप लगाए । यस अघि पेनेसेल्भिनियामा भएको कार्यक्रममा ट्रम्पले चिटिङको अन्त्य गर्न सो राज्य निर्णायक हुने बताए । 

अहिले अमेरिकी राष्ट्रपति पदको निर्वाचनका लागि ७ करोड ५० लाख भन्दा बढी मतदान भइसकेको छ । यो सन् २०२० को निर्वाचनमा खसेको मतको आधा भन्दा बढी हो । अहिले डेमोक्र्याट आफ्नो विषयमा अफवाह फैलाएको भन्दै आक्रोशित छ । यो आक्रोश खासमा रुस प्रति लक्षित छ । 

अहिले लोहाको सर्वेक्षणले धेरैलाई आश्चर्यमा पारेको छ । सन् २०१२ यता डेमोक्र्याटले जित हात नपारेको सो राज्यमा ६ इलेक्ट्रोल मत मात्र छ । अमेरिकामा एक्युरेट मत सर्वेक्षण गर्ने संस्थाको रूपमा परिचित एन सेल्जरले सो सर्वेक्षण गरेको थियो । एन सेल्जरकै अनुसार ६५ वर्ष भन्दा बढी उमेरका तथा महिलाहरूको मत ह्यारिसको पक्षमा बढी छ । यसै कारण ह्यारिस अघि देखिएकी हुन् । 

निर्वाचनको समयमा धार्मिक आस्था देखाउनेको पनि कमी छैन । यो उनीहरूको विश्वास हो या स्टन्ड हो भन्ने अनिश्चित नै छ । ह्यारिसले चर्चबाट चुनावी अभियान सुरु गरेको विषय अहिले चर्चा छ । ट्रम्प बाइबल लिएर हिँड्ने गरेका छन् । कट्टरपन्थी क्रिस्चियनहरुको धेरै मत ट्रम्पको पक्षमा देखिएको छ । अहिले रोबर्ट एफ केनेडी चर्चामा छन् । उनी ट्रम्पको अभियानमा सरिक छन् ।

 ट्रम्पले उनलाई प्रशासनको महत्त्वपूर्ण जिम्मेवारी दिने बताइसकेका छन् । ह्यारिसले भने उनी प्रतिको आक्रमण जारी राखेकी छिन् । ह्यारिसले केनेडी भ्याक्सिन विरोधी हुनुका साथै गर्भपतनको विरोधी भएको कारण आक्रोशित भएकी हुन् । ह्यारिसले केनेडीले महत्त्वपूर्ण जिम्मेवारी पाउँदा अमेरिकीहरूको स्वास्थ्यमा ठुलो समस्या आउन सक्ने कुरा बताएकी छिन् । 

अहिले आप्रवासी मुद्दा उठिरहेको छ । दक्षिण एसियाली आप्रवासीमा ट्रम्पको जितले ‘इल्सल्ट’ हुनु पर्ने चिन्ता समेत थपिन थालेको छ । एक पाकिस्तानी महिलाले त ट्रम्पको पहिलो कार्यकालमा आफूले दोस्रो दर्जाको नागरिकको व्यवहार सहनु परेको समेत बताइन् ।