तनहुँ– व्यास नगरपालिका–१०, अँधेरीभञ्ज्याङमा शनिबार साँझ चक्कु हानेर एक जनाको महत्या गरिएको छ। चक्कु हानेपछि मृत्यु हुनेमा नुवाकोटका ४७ वर्षीय दिलीप तामाङ रहेका जिल्ला प्रहरी कार्यालय, तनहुँले जनाएको छ।

प्रहरीले चक्कु प्रहार गरेको आरोपमा भक्तपुरका विशाल थापालाई नियन्त्रणमा लिएको जिल्ला प्रहरी कार्यालयका प्रहरी निरीक्षक विकास पासवानले बताए।

प्रहरीका अनुसार, व्यास नगरपालिका–१० देखि ७ जोड्ने पराशर मार्गमा काम गर्ने दुई मजदुरबीच सामान्य विवाद हुँदा थापाले चक्कु हानेका थिए।

प्रहरी निरीक्षक पासवानले भने, ‘सामान्य विवाद हुँदा गालीगलौज भएपछि खाना बनाउने क्रममा तामाङलाई चक्कु हानिएको प्रारम्भिक खुलेको छ।’

विश्व बैङ्कको सहयोगमा व्यास नगरपालिकाका चार वडा जोड्ने सडक स्तरोन्नति भइरहेको छ। उनीहरु त्यही सडकमार्ग निर्माणमा संलग्न मजदुर थिए।