काठमाडौं- नेपालले आज हङकङ सिक्सेसको प्लेट सेमिफाइनल खेल्ने भएको छ ।
क्वार्टरफाइनलमा श्रीलंकासँग पराजित भएको नेपालले प्लेट सेमिफाइनलमा युएईको सामना गर्ने भएको हो । यूएई क्वार्टरफाइनलमा बंगलादेशसँग पराजित भएको थियो ।
यो खेल नेपाली समय अनुसार बिहान १०:२० बजेदेखि सुरु हुँदैछ ।
त्यस्तै अर्को प्लेट सेमिफाइनलमा आयोजक हङकङ र दक्षिण अफ्रिका खेल्ने भएका छन् । यो खेल बिहान ९: २० बजेदेखि शुरु हुने छ । प्लेट फाइनल आजै ३: २५ बजेदेखि हुने छ ।
त्यस्तै प्रतियोगिताको सेमिफाइनलमा आज अस्ट्रेलिया र पाकिस्तान तथा श्रीलंका र बंगलादेश खेल्ने भएका छन् । त्यस्तै फाइनल खेल पनि आजै हुने छ ।
प्रतिक्रिया