काठमाडौं- तिहारको रमझमसँगै भक्तपुरमा माटोका भाँडा बनाउन भ्याइ नभ्याइ छ ।

माटोका पालादेखि कलशसहितका भाँडा बनाउन प्रजापती समुदायलाई ब्यस्त छन् ।

माटोका भाँडाको माग अन्य समयमा पनि आउँछ । तर तिहारमा भने माटोका भाँडाको चर्को माग छ ।

माटोका भाँडाको माग प्रत्येक वर्ष बढ्दै गएको छ । तर माटो अभाव हुन थालेको छ ।

पहिले जतासुकै पाइने माटो अहिले जग्गा प्लटिङका कारण पाउनै छाडेको छ ।

अहिले तिहारमा पालाको माग भए पनि मूल्य नपाइएको प्रजापति समुदाय बताउँछन् । माटोका पाला पहिले जस्तै अहिले पनि केबल दुई रुपैयाँ छ ।

पहिले भक्तपुरकै विभिन्न ठाउँबाट माटो खनेर ल्याउने गरिन्थ्यो । अहिले साँखु र काभ्रेपलाञ्चोकसम्म पुगेर माटो ल्याउनुपरेको छ ।