एजेन्सी– १२ जना पृथकतावादी नेताको मुद्धाको सुनुवईको विरोधमा स्पेनको स्वशासित क्षेत्र क्याटालोनियामा हिंसात्मक प्रदर्शन भएका छन् ।
प्रदर्शनकारीले राजधानी बार्सिलोनासहित क्याटालोनियाका विभिन्न शहरमा सडकमा टायर बालेको तथा अन्य हिंसात्मक गतिविधि गरेको स्थानीय अधिकारीले जनाएका छन् ।

प्रदर्शनमा हजारौँ क्याटालन राष्ट्रवादीहरु सहभागी रहेको स्पेनी सञ्चारमाध्यमले जनाएका छन् । प्रदर्शनका कारण क्याटालोनियामा रहेका ११ राजमार्ग प्रभावित भएको जनाइएको छ । सन् २०१७ मा क्याटालोनियामा स्वतन्त्रताका लागि भएको असफल जनमत सङ्ग्रहपछि स्पेनमा १२ जना पृथकतावादी नेताहरु विरुद्ध मुद्धा दायर भएको थियो ।

अघिल्लो साता १२ जना क्याटालन पृथकतावादी नेताविरुद्ध मुद्धाको सुनुवाई शुरु भएको थियो ।