काठमाडौं- राष्ट्रिय बीमा समितिले अत्याधुनिक सात तल्ले भवन निर्माण गर्ने भएको छ । समितिले ललितपुरको कुपण्डोलमा आफनै पुरानो भवन भएका ठाँउमा नयाँ भवन बनाउनका लागि टेन्डर आवह्वान गरेको छ । अत्याधुनिक भवन निर्माण ललितपुर महानगरपालिकाबाट सात तल्ले भवन निर्माणको नक्सा पास भइसकेको समितिले जानकारी दिएको छ ।

अत्याधुनिक भवन आगामी तीन वर्षभित्र निर्माण गरिसक्ने लक्ष्य रहेको समितिले जनाएको छ । बीमा समितिले भवन निर्माणको लागि बिहीबार गोरखापत्रमा सार्वजनिक सूचनामार्फत टेण्डर आह्वान गरिसकेको छ । आगामी सेप्टेम्वर १८ तारेखसम्मको समयसभित्र समितिले टेण्डर आह्वान गरेको छ ।

अन्तर्राष्ट्रिय समेमिनार हलसहित १० हजार बर्ग फिटको भवनमा दुई तल्लो बेसमेन्ट पार्किङ, उर्जाका लागि छतमा सोलार प्लान्ट , फायर फाईटिङ, अपाङ्गमैत्री तथा नेटवर्किङलगायतको सुविधा भएको भवन निर्माण हुने समितिले जनाएको छ ।