काठमाडौं–राष्ट्रिय स्वतन्त्र पार्टीका सभापति रवि लामिछानेले आफूले कुनै पनि सम्झौता सरकारसँग गरेको भए आफू पक्राउ नगर्ने दाबी गरेका छन् ।

प्रहरीले पक्राउ गरेपछि उनले शुक्रबार पार्टी कार्यालय चमतीमा उपस्थित पत्रकार र सुभचिन्तलाई छोटो सम्बोधन गर्दै आफू भएको सरकार ढाल्ने बेलामा नै आफूलाई जेलमा कोच्ने सम्झौता अहिलेका सत्तारुढ दलले गरेको आरोप लगाए ।

उनले भने, ‘मैले सरकारसँग कुनै सम्झौता गरेको भए मैले यो कुराको सामना गर्नुपर्ने थिएन । तर हामीले कुनै सम्झौता गरिन । सरकार ढाल्ने बेलामा नै मलाई जेलमा कोच्ने अहिलेको सरकारको सम्झौता भएको थियो । म अदालती प्रक्रियालाई सम्मान गर्छु ।’

उनलाई हाल प्रहरीले पार्टी कार्यालय चमतीबाट पक्राउ गरेर कास्की लगेको छ ।