काठमाडौं–राष्ट्रिय स्वतन्त्र पार्टीका सभापति रवि लामिछानेमाथि पक्राउ गर्न कास्की जिल्ला अदालतले अनुमति दिएको सूचना आएपछि प्रहरीको टोली पार्टी कार्यालय चमतीमा पुगेको छ ।
केन्द्रीय अनुसन्धान ब्युरोसीआईबीको टोली रास्वपा पार्टी कार्यालय पुगेको हो ।
सीआईबीका एसपी होबिन्द्र बोगटीसहितको सीआईबी टोली त्यहाँ पुगेको नेताहरूको भनाइ छ ।
त्यहाँ प्रहरी पुगेपछि रास्वपाका एक नेताले सुरक्षाकर्मी लाई कुनै पनि अवरोध नगर्न भनेका छन् ।
ती नेताले उपस्थित सर्वसाधारण र नेतालाई सुरक्षाकर्मीलाई आफ्नो डिउटी निभाउन दिनुपर्ने बताए ।
ती व्यक्तिले भने, ‘अनुशासित भएर प्रहरीलाई सहयोग गर्नुहोला । कसैले पनि हस्तक्षेप नगर्नुहोला ।’
हेर्नुहोस् तस्बिरहरु :
प्रतिक्रिया