काठमाडौं– राष्ट्रिय सभा बैठक बस्दै छ । विहीवार दिउँसो १ बजेका लागि बैठक आह्वान गरिएको छ ।

आजको बैठकमा सञ्चार तथा सूचना प्रविधि मन्त्री गोकुल बाँस्कोटटाले नेपाल मिडिया काउन्सिल विधेयक २०७५ लाई सभामा पेश गेर्ने सम्भावित दैनिक कार्यसूची रहेको छ ।

त्यस्तै उद्योग वाणिज्य तथा आपूर्ति मन्त्री मातृका प्रसाद यादवले प्रतिनिधिसभाबाट सन्देशसहित प्राप्त एन्टी डम्पिङ तथा काउन्टरभेलिङ्ग विधेयक २०७५ माथि विचार गरियोस् भन्ने प्रस्ताव प्रस्तुत गर्ने कार्यसूची रहेको छ ।

भूमि व्यवस्था, सहकारी तथा गरिबी निवारण मन्त्री पद्मा कुमारी अर्यालले प्रतिनिधिसभाबाट सन्देशसहित प्राप्त भूमि सम्बन्धी (आठौं संशोधन) विधेयक २०७५ लाई दफावार छलफलका लागि विधान व्यवास्थापन समितिमा पठाइयोस् भन्ने प्रस्ताव पेश गर्ने कार्यसूची रहेको छ ।

त्यस्तै वन तथा वातावरण मन्त्री शक्तिबहादुर बस्नेतले वातावरण संरक्षण विधेयक र वन विदेकलाई दफावार छलफलका लागि विधायन व्यवस्थापन समितिमा पठाइयोस् भन्ने प्रस्ताव प्रस्तुत गर्ने कार्यसूची रहेको संघीय संसदका महासविच मनोहरप्रसाद भट्टराईले बताए ।