काठमाडौं –  महानगरीय प्रहरी प्रभाग नागढुङगाले लागुऔषधसहित चार जनालाई पक्राउ गरेको छ । विभिन्न सवारी साधन चेकजाँचका क्रममा उनीहरुलाई विहीबार लागुऔषध सहित पक्राउ गरिएको प्रहरीले जनाएको छ ।

कपिलवस्तुबाट काठमाण्डौ आउँदै गरेको लु. २ ख. ८६४० नम्बरको गाडी चेकजाँचका क्रममा कपिलवस्तुका मनोज बराइलीलाई नाईट्राभेट २७ ट्याबलेट सहित पक्राउ गरेको हो ।

यसैगरी धरानबाट काठमाडौं आउँदै गरेको ना‍.५ ख. ४६८९ नम्बरको यात्रुबाहक बस चेकजाँचका क्रममा सिराहाका प्रदीप कुमार चौधरी र सुनसरी ईनरूवाका विकास चौधरीलाई पक्राउ गरेको हो ।

उनीहरुको साथबाट प्रहरीले नाईट्राभेट १ सय ८० ट्याबलेट बरामद गरेको छ । त्यस्तै, बा.२ ख. २९४७ नम्बरको बस चेकजाँचका क्रममा लागुऔषधसहित मकवानपुर थाहा नगरपालिकाका राजन तामाङलाई प्रहरीले पक्राउ गरेको हो । उनको साथबाट लागुऔषध चरेश ३ के.जी बरामद गरिएको प्रहरीले जनाएको छ ।