काठमाडौं – ला लिगामा आउँदो शनिबार बार्सिलोनाले ओसासुनासँग खेल्दैछ । तर, नियमित कप्तान लियोनल मेस्सीले उक्त खेल गुमाउँने पक्का भएको छ ।

खुट्टाको गोलिगाँठामा चोट लागेपछि आराम गरिरहेका मेस्सीले अघिल्लो शनिबार भएको रियल बेटिसविरुद्धको खेल पनि गुमाएका थिए ।

उक्त खेलमा बार्सिलोना ५–२ गोल अन्तरले विजयी भएको थियो । मेस्सी अहिले टोलीको फिट्नेश प्रशिक्षकसँगै भएपनि खेलमा भने केही समयपछि मात्रै फर्किने स्पेनिस अङ्ग्रेजी पत्रिका मार्काले उल्लेख गरेको छ ।

बार्सिलोनाका प्रशिक्षक अर्नेष्टो भने मेस्सीलाई टोलीमा फर्किएको हेर्न हतार गरिरहेका छन् । तर, मेस्सीको पुनरागमन भने लामो अपेक्षाभन्दा ढिलो भइरहेको छ ।

बार्सिलोनाले ओसासुनापछिको अर्को खेल भने भ्यालेन्सियासँग सेप्टेम्बर १४ मा खेल्नेछ ।